葉子楣分享保持21吋蛇腰秘訣　爆當年合約寫明不露點不食應酬飯

葉子楣（Amy）在今日（4月20日）接受新城《開心大派對》主持薛家燕、思敏及范振鋒訪問。家燕姐問到Amy當年是否墮入愛河受到男友反對而毅然引退？Amy坦言：「男人係咁自私，而且當年最高峰連拍13部戲，都想俾自己休息一下，試過一日趕幾組戲，冇得瞓覺。」阿范即笑言好羡慕拍戲拍到冇得瞓。

同時，家燕姐讚Amy天生尤物，到今依然保持21吋腰，並問究竟當中有何秘訣。Amy大方公開保持身材秘方：「唔好食煎炸及鹹嘢，如果戒埋甜品仲瘦，甜品對皮膚唔好，不過我好鍾意食甜，會食少少，同埋一定要運動，食物7分，運動3分。」

Amy並謂，當年退出後很享受不用化妝、影相又可慢活的生活，但復出後再重見大家又覺得很開心。對於她復出後網民評語，表示無論如何都會有批評或讚賞，但不會理會，並有一套應付惡意批評的方法，就是要消化惡意批評。不過阿范就安撫她，大部份留意都是支持Amy。

葉子楣憶當年因麥當雄走上艷星之路　淚崩憶已故男友：運動令我開心無抑鬱

▲ 葉子楣

葉子楣堅守不露點

家燕姐再談到Amy當年曾做歌手出唱片，Amy即謂當年不單止在香港出唱片，更到台灣發展推出唱片，更在當地演出過百場音樂會，她有點歎謂：「但認識醫生男友之後，佢唔俾我，之後推咗好多。」

家燕姐問她是否愛情至上的人？Amy即說：「做人唔好向後望，應向前望，會更加好，單身咗咁多年，已經習慣咗，桃花就多，真正姻緣好難搵到，條件最緊要眼緣及鍚自己。」

之後，家燕姐再談到Amy當年性感女星形象相當成功，堅守不露點，Amy回答：「當年走性感路線完全係順其自然，講明不應酬、不食飯，就算去台灣發展，簽合約，也寫明性感不露點，不食應酬飯。」

▲ 薛家燕與葉子楣。